ᱚᱱᱚᱬᱦᱮᱸᱠᱳ ᱨᱮᱭᱟᱜ ᱜᱟᱰᱟ

 

* ᱚᱱᱚᱬᱦᱮᱸᱠᱳ ᱨᱮᱭᱟᱜ ᱜᱟᱰᱟ *
  ᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼᱼ

ᱱᱤᱛ ᱦᱚᱸ ᱡᱟᱸᱦᱟᱸᱛᱤᱱᱨᱮ
ᱢᱚᱱᱮᱭ ᱢᱮᱱᱮᱫᱠᱟᱱᱟ
ᱚᱱᱚᱬᱦᱮᱸᱠᱳ ᱨᱮᱭᱟᱜ ᱜᱟᱰᱟᱨᱮ ᱩᱱᱩᱢ ᱟᱬᱜᱳᱱ
ᱯᱟᱭᱨᱟ ᱵᱟᱲᱟᱭᱟᱹᱧ
ᱵᱩᱨᱩᱠᱳ ᱨᱮᱭᱟᱜ ᱫᱟᱲᱟᱝᱨᱮ
ᱥᱮᱨᱮᱧ ᱛᱩᱞᱩᱡᱼᱤᱧ ᱟᱬᱜᱳᱱᱟ
ᱛᱤᱞᱢᱤᱧ ᱨᱮᱭᱟᱜ ᱠᱷᱮᱛᱠᱳᱨᱮ
ᱥᱟᱥᱟᱝ ’ᱯᱷᱨᱳᱠ ᱦᱚᱨᱚᱜᱠᱟᱛᱮ
ᱩᱠᱩ ᱫᱟᱱᱟᱝᱚᱜᱼᱟᱹᱧ
ᱟᱨ ᱦᱟᱲᱟᱢ ᱵᱟᱧ ᱢᱮᱛᱟᱣᱟᱭᱟ
ᱢᱟ ᱧᱟᱢᱮᱹᱧᱢᱮ᱾

ᱵᱮᱹᱞᱮᱹ ᱥᱚ ᱧᱮᱞᱚᱜ ᱞᱮᱠᱟ
ᱛᱤᱱᱨᱮ ᱨᱤᱢᱤᱞ ᱵᱩᱨᱩᱠᱳ ᱛᱩᱞᱩᱡ
ᱜᱟᱛᱮ ᱡᱳᱲᱟᱣᱮ ᱢᱮᱱᱡᱚᱝ
ᱩᱱᱠᱤᱱ ᱠᱚᱠᱮ ᱦᱟᱹᱲᱩᱵᱚᱜᱼᱤᱧ ᱧᱮᱞᱠᱤᱱ
ᱢᱮᱱᱠᱷᱟᱱ ᱪᱮᱫ ᱞᱮᱠᱟᱛᱮ
ᱯᱩᱨᱟᱣᱛᱤᱧᱟᱹᱧ ᱤᱧᱟᱜ ᱢᱮᱱᱡᱚᱝᱟᱜ
ᱚᱱᱚᱬᱦᱮᱸᱠᱳ ᱨᱮᱭᱟᱜ ᱜᱟᱰᱟ
ᱨᱚᱦᱚᱲᱚᱜ ᱮᱦᱚᱵᱼᱟᱠᱟᱱᱟ ᱥᱮᱹᱨᱮᱹᱧᱠᱳ ᱨᱮᱭᱟᱜ ᱵᱩᱨᱩ ᱩᱡᱟᱹᱲᱟᱠᱟᱱᱟ
'ᱦᱤᱱᱰᱟᱞᱪᱳ’ ᱨᱮᱭᱟᱜ ᱠᱷᱟᱫᱟᱱᱠᱳ ᱞᱟᱣᱟᱠᱟᱫᱟ
ᱟᱧᱡᱮᱫᱼᱟᱠᱟᱱᱟ ᱯᱩᱠᱷᱨᱤᱠᱳ
ᱨᱤᱢᱤᱞ ᱫᱚ ᱵᱩᱨᱩᱠᱳ ᱛᱩᱞᱩᱡ
ᱢᱮᱸᱫ ᱵᱟᱭ ᱢᱤᱞᱟᱹᱣᱮᱫᱠᱟᱱᱟ
ᱟᱨ ᱵᱤᱨ ᱥᱮᱡᱛᱮ ᱯᱟᱨᱚᱢᱚᱜᱠᱟᱱ ᱦᱚᱭ
ᱦᱤᱲᱤᱧᱠᱮᱫᱟᱭ ᱥᱤᱨᱹᱧ ᱟᱨ ᱵᱳᱠᱲᱳ
ᱮᱠᱮᱱ ᱠᱷᱟᱭ ᱠᱷᱚᱭᱮᱫ ᱛᱩᱞᱩᱡ
ᱚᱠᱚ ᱵᱟᱰᱟᱭ ᱪᱮᱫᱼᱮ ᱢᱮᱱᱮᱫᱠᱟᱱᱟ
ᱡᱮ ᱢᱚᱱᱮ ᱪᱤᱱᱛᱟᱹᱛᱮ ᱯᱮᱨᱮᱡ
ᱜᱟᱹᱦᱤᱨ ᱫᱟᱜᱨᱮ ᱩᱰᱩᱡ ᱰᱩᱵᱩᱡ
ᱟᱨ ᱚᱱᱚᱬᱦᱮᱸᱠᱳ ᱨᱮᱭᱟᱜ ᱜᱟᱰᱟᱠᱳᱨᱮ
ᱩᱱᱩᱢᱚᱜ ᱨᱮᱭᱟᱜ ᱢᱮᱱᱡᱳᱝᱟᱜ
ᱵᱟᱱᱫᱩᱠᱠᱳ ᱨᱮᱭᱟᱜ ᱠᱩᱱᱫᱟᱹᱠᱳ
ᱟᱨ ᱯᱟᱱᱟᱦᱤᱠᱳ ᱞᱟᱛᱟᱨᱨᱮ
ᱜᱮᱨᱟᱝᱮᱫᱠᱟᱱᱟᱭ 

ᱥᱤᱧ ᱧᱤᱱᱫᱟᱹ᱾

  ===•••••===